गेले काही दिवस सार्वजनिक वाहतुकीवरुन गोमंकियांमध्ये प्रश्नचिन्ह निर्माण झाले असून याला कारण ही तसच आहे. कारण गेल्या काही दिवसांपासुन गोव्यातील सार्वजनिक वाहतुकीची महत्त्वाची जबाबदारी सांभाळणारी कदंबा बसच्या समस्या संपता - संपत नाही आहेत. सावईवेरे - फोंडा मार्गावर कदंबा बस आज सकाळच्या सुमारास पुन्हा बंद पडली. (Kadamba bus stopped again today)

कारण गेल्या काही दिवसांपुर्वी कदंब बस बंद पडली होती. यावेळी बसच्या इंधनाची स्थिती पाहीली असता डिझेल संपल्याने बस बंद पडली असल्याचं स्पष्ट झालं होतं. याबाबत चालक - वाहक यांना नोटीस बजावत यावर पडदा टाकण्यात आला होता. याला काही दिवस होतात न होतात तोच पुन्हा एक बेजबाबदारपणा समोर आला आहे.

बदामी कर्नाटकहून पणजीला परतत असलेल्या कदंब बसचे टायर धुळेर म्हापसा नजिक आल्यानंतर अचानक बसचे टायर बाहेर आल्याची घटना समोर आली. सुदैवाने यावेळी बसचा वेग मर्यादित असल्याने कोणतीही जिवितहानी झाली न्हवती. हे प्रकार कमी होते की काय म्हणून पुन्हा सावईवेरे - फोंडा मार्गावरील कदंबा बस आज सकाळच्या सुमारास बंद पडल्याचं समोर आले आले आहे. त्यामूळे नागरीकांची गैरसोय होत आहे.