वास्को : अखिल गोवा मच्छीमार बोटमालक संघटनेच्या अध्यक्षपदी माजी महसुलमंत्री तथा राष्ट्रवादी काँग्रेस प्रदेशाध्यक्ष जुझे फिलीप डिसोझा यांची सलग तिसऱ्यांदा निवड झाली आहे. याप्रसंगी डिसोझा यांनी मच्छिमार व्यावसायिकांच्या विविध समस्यांवर तोडगा काढण्याचे आश्वासन दिले आहे.

अखिल गोवा फिशिंग बोटमालक संघटनेचे अध्यक्ष जुझे फिलीप डिसोझा यांनी तिसऱ्यांदा पदाचा ताबा घेतल्यानंतर मच्छिमार बंधूंसाठी राज्य सरकारच्या विविध योजनांचा लाभ मिळवून देण्यासाठी पुढाकार घेणार असल्याचे सांगितले. तसेच मच्छिमार जहाजाच्या इंधनावरील अनुदान मिळविण्यासाठी सरकार दरबारी प्रयत्न करणार आहे. वास्को खारीवाडा जेटी खूपच लहान असल्याने त्याचा विस्तार होणे गरजेचे असल्याचे त्यांनी सांगितले.