गोवा : गोवा आरोग्य खात्यात डिसेंबर 2021 मध्ये भरतीची प्रक्रीया राबविण्यात आली होती. त्यावेळी आरोग्य खात्यात अनेकजण रुजू झाले होते. पण त्या भरतीचा निकाल आरोग्य खात्याने आता जाहीर केल्याने आरोग्य खात्यात गोंधळ काहीतरी काळबेरं झाल्याची चर्चा रंगली आहे. आरोग्य खात्याच्या त्या भरतीविषयी काही जणांनी ‘आरटीआय’ (RTI) अंतर्गत माहिती मागवली होती. त्याप्रमाणे आता आरोग्य (Health) उमेदवारांना लेखी परीक्षेत मिळालेल्या गुणांची यादी जाहीर केली आहे. यातून खात्यातील सावळा गोंधळ उघड होण्याची शक्यता आहे.

यादरम्यान, काही तास ओलंडताच काही अज्ञातांनी आरोग्य खात्याच्या इमारतीबाहेर लावलेली यादीच फाडून टाकली. यामुळे आरोग्य खात्याच्या त्या भरतीविषयी वरून गदारोळ होण्याची शक्यता आहे.

यादरम्यान भाजप (BJP) सरकारवर ते ठराविक मतदारसंघातील उमेदवारच निवडले जात असल्यावरून अरोप होते. यावरून काँग्रेस (Congress) पक्षाने भाजपवर आक्रमक भूमिका घेत गंभीर आरोप केले होते. तर पणजीत पत्रकार परिषद घेत विरोधी पक्षनेते दिंगबर कामत आणि प्रदेश काँग्रेस अध्यक्ष गिरीश चोडणकर (Girish Chodankar) यांनी, प्रामाणिक आणि गुणवान उमेदवारांवर होणारा हा अन्याय खपवून घेतला जाणार नाही असे म्हटलं होतं. तर या अशा भ्रष्टाचारी नोकर भरतीमुळे प्रामाणिक, गरजू, पात्रता असलेले उमेदवार निराश होत आहेत. अपात्र आणि लाच देणारे उमेदवार निवडण्यात येत असल्याची टीका ही केली होती.