आज कुर्टी येथील अंतृज नगर भागातील विठ्ठल प्रभु यांच्या घरामध्ये चोरी झाली असून या चोरीमध्ये चोरट्याने घरातील सुमारे दीड लाखांचा ऐवज लंपास केला असल्याची माहिती समोर आली आहे. प्रभु यांचे घर बंद असल्याचा फायदा घेत चोरट्याने हा डल्ला मारला आहे.

(Jewels worth one and a half lakhs have been stolen from the house at kurti ponda )

मिळालेल्या माहितीनुसार आज कुर्टी तालुका फोंडा येथील अंतृज नगर भागातील एका घरामध्ये चोरी झाली असून या चोरीत अज्ञात चोरट्याने सुमारे दीड लाखांची रोकड व सोन्याचे दागिने लंपास केले आहेत. या घटनेची माहिती मिळताच पोलिसांनी तपास सुरु केला आहे. यासाठी श्वानपथकाची मदत घेतली जात आहे.

पोलिसांनी याबाबत माहिती देताना स्पष्ट केले आहे की,या प्रकरणाचा तपास वेगाने सुरु आहे. त्यामूळे लवकरच तो पुर्ण होईल. असे असले तरी या चोरीमुळे अंतृज नगर परिसरातील नागरीकांमध्ये भीतीचे वातावरण पसरले आहे. या प्रकरणाचा पुढील तपास पोलिस निरीक्षक विजय चोडणकर यांच्या मार्गदर्शनखाली उपनिरीक्षक परेश सिनारी करीत आहे.