Dona Paula Theft Case: गोव्यातील दोना पावला येथे 40 लाख रूपयांचे दागिने चोरणाऱ्यास पणजी पोलिसांनी माग काढत पश्चिम बंगालमध्ये जाऊन अटक केली आहे. त्याच्याकडून चोरीचे काही दागिनेही जप्त करण्यात आले आहेत.

दोना पावला येथील एका डॉक्टराच्या बंगल्यात संबंधित चोरट्याने ही चोरी केली होती. त्याने घरातील दागिन्यांवर डल्ला मारत सुमारे ४० लाखांचे दागिने चोरले होते. चोरीचा माल घेऊन तो पसार झाला होता. तो मूळचा पश्चिम बंगालमधील असल्याचे समजते.

तो काही काळ गोव्यात काम करत होता. पोलिस त्याच्या मागावर होते. अखेर पणजी पोलिसांनी पश्चिम बंगालमध्ये जाऊन त्याच्या मुसक्या आवळल्या आहेत. त्याच्याकडून चोरीतले काही दागिने हस्तगत करण्यात आले आहेत. उर्वरीत दागिन्यांची चौकशी त्याच्याकडे सुरू आहे. इतर कुठल्या चोरीमध्ये त्याचा सहभाग आहे का, याचाही तपास पोलिस घेत आहेत.