Jayesh Chodankar Murder Case: काही दिवसांपूर्वी चिंबल-मेरशी जंक्शनवर पार्किंगवरून झालेल्या वादानंतर जयेश चोडणकर (रा. चिंबल, वय 42) याचा मृत्यू झाला होता. हा मृत्यू अपघाती नसून घातपात असल्याचा दावा करून खुनाचा गुन्हा नोंद करण्याची मागणी त्याच्या कुटुंबियांनी केली होती.

या घटनेच्या तपासानंतर पोलिसांनी हीट अँड रन तसेच मारहाणप्रकरणी दोन वेगवेगळे गुन्हे दाखल करून कृपेश वळवईकर व पोलिस प्रितेश हडकोणकर यांना अटक करून ताब्यात घेतले होते.

या घटनेत आता मोठी माहिती समोर आली आहे. संशयित आरोपी कृपेश वळवईकर आणि प्रितेश हडकोणकर यांनी उच्च न्यायालयात जामीनासाठी अर्ज दाखल केला आहे.

याबाबत पोलिसांना या प्रकरणात येत्या सोमवारी बाजू मांडण्याचे निर्देश देण्यात आले आहेत.

दरम्यान, जयेश चोडणकर खून प्रकरणातील संशयितांची लाय डिटेक्टर चाचणी करण्यासाठी ओल्ड गोवा पोलिसांनी दाखल केलेला अर्ज न्यायालयाने फेटाळला होता.