राज्य आरोग्य विभागाने जाहीर केलेल्या केवळ १०० कंत्राटी परिचारिका (नर्सिंग) पदांसाठी सोमवारी (दि.४) कंपालमधील आरोग्य सेवा संचालनालय (DHS) कार्यालयाबाहेर हजारोंच्या संख्येने उमेदवारांची गर्दी उसळली. ही गर्दी इतकी प्रचंड होती की, परिसरात लांबच लांब रांगा, वाहतूक कोंडी आणि गोंधळाचे वातावरण निर्माण झाले. या दृश्याने 'पदवी मिळवली, पण पोटाची खळगी भरायला अजून संघर्ष सुरूच आहे!' या विदारक वास्तवावर पुन्हा एकदा शिक्कामोर्तब केले.