Colvale Jail Goa : नेहमीच चर्चेत असलेल्या कोलवाळ तुरुंगाबाबत अजून एक माहिती समोर आली आहे. मिळालेल्या महितीनुसार पोलिस महानिरीक्षक यांनी आज कोलवाळ तुरुंगात आकस्मिक तपासणी केली असता त्यांनी कैद्यांकडून मोबाईल फोन्स जप्त केले आहेत.

गेल्या महिन्यातही असाच प्रकार समोर आला होता. आकस्मिकपणे तुरुंग अधिकाऱ्यांनी घातलेल्या छाप्यात 45 मोबाईल्स, चार्जर आणि ड्रग्ज सापडले होते.

कारागृहात प्रवेश करणाऱ्या कैदी, कर्मचाऱ्यांची तपासणी करण्यात येत असली तरी या ठिकाणी बॅगेज स्कॅनर नाही. बॅगेज स्कॅनरसाठीचा प्रस्ताव सरकार दरबारी पडून आहे. कारागृहात धान्य व कडधान्यातून हे मोबाईल आत जाण्याची शक्यता नाकारता येत नाही. तुरुंग कर्मचारी व कैद्यांचे नेटवर्क असल्याने ते आतपर्यंत पोहोचत आहेत.