वास्को : फ्लॅग ऑफिसर कमांडिंग-इन-चीफ वेस्टर्न नेव्हल कमांड व्हाईस अॅडमिरल अजेंद्र बहादूर सिंग (Ajendra Bahadur Singh),पश्चिम गोव्याच्या पहिल्या भेटीवर आले आहे. त्यांनी गोव्याचे माननीय राज्यपाल, श्री पी.एस. श्रीधरन पिल्लई यांची राजभवन, गोवा (Goa) येथे भेट घेतली.

फ्लॅग ऑफिसर कमांडिंग-इन-चीफने गोवा आणि वेस्टर्न नेव्हल कमांड अंतर्गत भारतीय नौदलाची भूमिका आणि मालमत्तेची तसेच संपूर्ण सागरी सुरक्षा वाढविण्यासाठी भारतीय नौदलाच्या (Indian Navy) कार्याची माहिती राज्यपालांना दिली.

तसेच गोवा मुक्तीच्या (Goa Liberation) हीरक महोत्सवानिमित्त नियोजित विविध कार्यक्रमांवरही चर्चा करण्यात आली.

व्हाईस अॅडमिरल अजेंद्र बहादूर सिंग यांनी फ्लॅग ऑफिसर कमांडिंग-इन-चीफ वेस्टर्न नेव्हल कमांड म्हणून पदभार स्वीकारल्यानंतर गोवा आणि कारवारच्या त्यांच्या पहिल्या भेटीवर आहेत.

फ्लॅग ऑफिसर हा भारतीय नौदलाच्या दोन्ही ऑपरेशनल कमांड्सचे नेतृत्व करणाऱ्या मोजक्या अधिकाऱ्यांपैकी एक आहे.