India Energy Week 2024: उर्जा आणि पेट्रोलियम उद्योग आणि या क्षेत्रातील लोकांसाठी एक कामाची बातमी आहे. गोव्यात पुढील वर्षी एनर्जी वीकचे आयोजन करण्यात आले असून, यासाठी 35 हून अधिक देश आणि सुमारे 35,000 लोक उपस्थित राहण्याची शक्यता आहे. पंतप्रधान नरेंद्र मोदी यांच्या हस्ते या कार्यक्रमाचे उद्धाटन होणार आहे.

मिळालेल्या माहितीनुसार, पुढील वर्षी 06 ते 09 फेब्रुवारी 2024 या काळात एनर्जी वीक चे आयोजन केले जाणार आहे. ऊर्जा, पेट्रोलियम आणि इलेक्ट्रिक वाहनांचे (EVs) जागतिक महत्त्व याबाबत या वीकमध्ये प्रदर्शन आणि संवाद सत्र होतील.

पंतप्रधान नरेंद्र मोदी या एनर्जी वीकचे उद्घाटन करतील आणि उपस्थितांना संबोधित करतील अशी माहिती आहे.

सहभागी देशांमधील ऊर्जा, पेट्रोलियम आणि उदयोन्मुख ईव्ही क्षेत्राशी संबंधित विविध समर्पक मुद्द्यांवर चर्चा होईल. याशिवाय, गोव्यातील महाविद्यालयीन विद्यार्थ्यांना या चार दिवसीय प्रदर्शनात सहभागी होण्याची संधी मिळेल,

एनर्जी वीकमध्ये सहभाग घेण्यासाठी नोंदणी खुली करण्यात आली आहे.