मडगाव : नागरिकांच्या तक्रारी थेट ऐकून घेण्यासाठी गोवा पोलिसांनी 'समाधान' ही योजना चालू केली असून या योजने अंतर्गत प्रत्येक शनिवारी पोलीस उपमुख्यालयाचा उपअधीक्षक आपल्या कार्यालयात बसून लोकांच्या तक्रारी थेट हाताळणार आहे. (In Goa now the Deputy Superintendent of Police is on duty every Saturday Jaspal Singh)

पोलीस महासंचालक जसपाल सिंग यांनी आज मडगावात नागरिकांबरोबर घेतलेल्या बैठकीत याचे सूतोवाच केले. नागरिकांची कुठलीही अडचण असो उपअधीक्षक त्या थेट ऐकून घेतील आणि शक्यतो तिथल्या तिथे ती समस्या सोडवण्यासाठी प्रयत्न करतील असे सिंग यांनी सांगितले.

नागरिकांनी कुठल्याही प्रकारची भीती न बाळगता आपली तक्रार नोंदवावी. अगदी पोलिसांच्या विरोधात जरी तक्रार असेल तर त्यावरही कारवाई केली जाईल असे त्यांनी सांगितले.

आज जसपाल सिंग यांनी सर्व धर्माच्या नेत्यांशी संवाद साधत राज्यात कुठल्याही प्रकारचा धार्मिक तणाव होणार नाही यासाठी लोकांनी पोलिसांना सहकार्य करावे अशी विनंती केली. सिंग हे 2001 साली दक्षिण गोव्याचे अधीक्षक होते. त्याची आठवण काढत त्यांनी यासाठीच आपण नागरिकांबरोबरची पहिली बैठक माडगावात घेतली असे त्यांनी सांगितले.