मडगाव : भाजपच्या विरोधात अजूनही लोकांच्या मनात असंतोष आहे. विधानसभा निवडणुकीत 67 टक्के लोकांनी भाजपला नाकारले ही वस्तुस्थिती आहे. भाजप च्या विरोधात लोकांमध्ये जो राग खदखद आहे त्याची जाणीव सध्या काँग्रेस पक्षाने हाती घेतलेल्या चेतना यात्रेतून दिसून येत असल्याचे मत काँग्रेस प्रदेश समितीचे अध्यक्ष अमित पाटकर यांनी व्यक्त केले.

आज पाटकर यांनी प्रदेश समितीचे कार्याध्यक्ष युरी आलेमाव यांच्या उपस्थितीत दक्षिण गोवा जिल्हा कार्यकारीणीचा अधिकृतपणे दक्षिण गोवा जिल्हा अध्यक्ष सवियो डिसिल्वा यांच्याकडे दिला. यावेळी मडगावच्या जिल्हा कार्यालयात झालेल्या कार्यक्रमात बोलताना 2024 साली होणाऱ्या लोकसभा निवडणुकीत दोन्ही जागांवर काँग्रेस उमेदवार निवडून आणणे हे आमचे लक्ष्य असून जुन्या कार्यकर्त्यांचा अनुभव आणी युवा कार्यकर्त्यांची शक्ती या जोरावर आम्ही हे लक्ष्य सहज साध्य करू असे ते म्हणाले.

यावेळी बोलताना सवियो डिसिल्वा यांनी, काँग्रेस पक्षाला गोव्यात अजुनही चांगला प्रतिसाद मिळत असल्याचे चेतना यात्रातून दिसून येत असून काँग्रेस पक्षला राज्यात पुन्हा पुनरवैभव मिळतील याचे हे संकेत असल्याचे ते म्हणाले.