काँग्रेसचे नेते अभिषेक सिंघवी यांनी अरविंद केजरीवाल यांचे दिल्ली विकासाचे मॉडेल अयशस्वी ठरल्याचे सांगत आपवर जोरदार निशाणा साधला. मात्र, ते गोव्यातील जनतेला विकासाचे खोटे चित्र दाखवत आहेत असे ते म्हणाले.

“फक्त मोठा राजकीय (Politics) आवाज करणे आणि प्रसार करणे ही आपची खासियत आहे. मात्र, त्यांना आश्वासनांची पूर्तता करण्यात अपयश आले आहे. दिल्लीत शिक्षण, आरोग्य आणि इतर क्षेत्रात आप अपयशी ठरला आहे असे ते म्हणाले.

त्यांच्या म्हणण्यानुसार 'आप'ने (AAP) सोलर सिटी, वायफाय सिटी आणि 5000 बस सेवेत आणण्याचे आश्वासन दिले होते. मात्र आश्वासने पाळण्यात त्यांना अपयश आले आहे. अशी माहिती देत सिंघवी यांनी आपचे सर्वेसर्वा अरविंद केजरीवाल (Arvind Kejriwal) यांच्यावर निशाणा साधला आहे. गोव्यात विधानसभा निवडणुकांच्या प्रचाराची रणधुमाळी पाहायला मिळत आहे. राज्यात सत्तेत असणाऱ्या भाजपला (BJP) पराभूत करण्यासाठी विरोधक चांगलचे तयारीला लागले आहेत. राजकीय नेते प्रचारसभांच्या माध्यमातून एकमेकांवर आरोप-प्रत्यारोपांच्या फैरी झाडत आहेत.