कलंगुट बार्देझ येथील कॅप्टन केबिन शॅक मध्ये जेवणाच्या ऑर्डर वरून झालेल्या किरकोळ वादातून शॅक कर्मचाऱ्यांना मारहाण केल्यापरकरणी आरोपींना ताब्यात घेण्यात आले आहे. आरोपींनी फिर्यादीला मारहाण करून घटनास्थळावरून पलायन केले होते. या मारहाणी विषयी अजय सेठी यांनी पोलिसात तक्रार दिली होती.

त्यानुसार सर्व आरोपींचा त्वरीत शोध घेऊन कळंगुट पोलीस ठाण्यात आणण्यात आले आणि दहा संशयित व्यक्तींपैकी नऊ जण अल्पवयीन असल्याचे उघड झाले. त्यामुळे सर्व नऊ अल्पवयीन मुलांना CWC यांच्यासमोर हजर करण्यात आले. सर्वांची ‘अपना घर’मध्ये रवानगी करण्यात आली. मात्र, नंतर अल्पवयीनांना प्रत्येकी १० हजार रुपयांच्या हमीपत्रावर सोडण्यात आले. या प्रकरणी प्रमुख आरोपी राज राम गुजराती याला अटक करण्यात आली आहे.आरोपीकडून हल्ल्याचे हत्यार म्हणजे दोन पोर डस्टर जप्त करण्यात आले असून या प्रकरणाचा पुढील तपास सुरू आहे.