Goa Rain Update

गोव्यात 11 ते 14 मे दरम्यान तुरळक पावसाची शक्यता हवामान खात्याने व्यक्त केली आहे. हवामान खात्याने व्यक्त केलेल्या अंदाजानुसार गोव्यात दोन्ही जिल्ह्यात 08 ते 10 मे या काळात हवामान कोरडे राहणार आहे.

काही दिवसांपूर्वी बरसलेल्या अवकाळी पावासानंतर राज्यातील तपामान काही प्रमाणात घट झाल्याचे दिसून आले आहे.

गोवा हवामान खात्याने प्रसिद्ध केलेल्या दैंनदिन वृत्ताकंनानुसार, पणजीत सर्वाधिक 34.2 अंश सेल्सियस आणि 25.5 अंश सेल्सियस सर्वात कमी तापमान नोंद करण्यात आले आहे.

पुढील पाच दिवस राज्यातील तापमानात मोठा बदल होणार नाही, असाही अंदाज हवामान खात्याने व्यक्त केला आहे.

काही दिवसांपूर्वी गोव्यात बरसलेल्या अवकाळी पावसामुळे राजधानी पणजीत विविध ठिकाणी पाणी साचले तर, राज्यातील विविध भागात पडझड झाल्याचे दिसून आले.