मोरजी: आगरवाडा, चोपडे पंचायत क्षेत्रातील शापोरा नदीत मोठ्या प्रमाणात बेकायदेशीर रेती उत्खनन चालू असल्याची तक्रार आगरवाडा जैवविविधता मंडळाने केली आहे.
आगरवाडा चोपडे या परिसरात रात्रीच्या वेळी रात्रीस खेळ चाले प्रमाणे मोठ्या प्रमाणात परवाने नसताना रेती उत्खनन चालू आहे. त्याचा परिणाम पर्यावरणावर होत असल्याची तक्रार आगरवाडा जैवविविधता मंडळ चेअरमन आणि माजी सरपंच अमोल राऊत यांनी केली आहे.
दरम्यान, मागच्या दोन महिन्यांपूर्वी उगवे येथे गोळीबार झाल्यानंतर तेरेखोल नदीतील रेती उत्खनन बंद आहे.
तेरेखोल नदीत केरी-तेरेखोल, पालये, किरणपाणी, कोरगाव, देऊस, कोनाडी, पोरस्कडे, उगवे, तोरसे या भागात रेती उत्खनन तात्पुरते बंद आहे. मात्र, शापोरा नदीत सध्या मोठ्या प्रमाणात रेती उत्खनन सुरू आहे. पर्यावरणास हानी होण्याची शक्यता ग्रामस्थांनी व्यक्त केली आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.