मडगाव : वेर्णा (Verna) येथे मोठ्या प्रमाणावर बेकायदेशीररित्या डोंगरकापणी केल्याचे उघडकीस आले असून, स्थानिकांनी या संदर्भात तक्रार केल्यानंतर जिल्हाधिकारी कार्यालयातील भरारी पथकाने येऊन त्या जागेची आज (गुरुवारी) पाहणी केली.
ही डोंगरकापणी करण्यासाठी ज्या यंत्राचा आणि वाहनांचा वापर करण्यात आला त्याची कागदपत्रे मायणा कुडतरी पोलिसांनी ताब्यात घेतली आहेत, अशी माहिती पोलिस (police) निरीक्षक मोहन गावडे यांनी दिली.
स्थानिकांच्या दाव्याप्रमाणे हा प्रकार मागचे कित्येक दिवस सुरू असून काल गावातील काही व्यक्ती या बाजूने जात असताना त्यांनी हे काम पाहिल्याने त्याचा गवगवा झाला. या संबंधी पंचायतीकडे (Panchayat) तक्रार करूनही त्यांनी याची दखल घेतली नाही, असा आरोप केला.
हे काम करणाऱ्या कंत्राटदाराला याबद्दल जाब विचारला असता आपली मशिनरी सध्या काम नसताना बंद होती त्यासाठी आपण हे काम हाती घेतले असे, उद्धट उत्तर त्याच्याकडून मिळाले असे स्थानिकांनी सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.