Mohammed Rafi The King of Melody Sonu Nigam Performance

पणजी: प्रख्यात गायक मोहम्मद रफी यांच्या जन्मशताब्दीनिमित्त आयोजित ‘आसमान से आया फरिश्ता: मोहम्मद रफी - द किंग ऑफ मेलडी’ या कार्यक्रमात प्रसिद्ध गायक सोनू निगम यांनी त्यांची अनेक सरस गाणी सादर करून रसिकांची मने जिंकली.

रफी यांच्या आठवणींना उजाळा देणाऱ्या या कार्यक्रमात त्यांच्या गाण्याची शैली आणि त्यांचा गीताकडे पाहण्याचा दृष्टिकोन सोनू निगम यांनी आपल्या गायकीने रसिकांना उलगडून दाखविला.

यावेळी रफी यांचे पुत्र तथा गायक शाहीद रफी, सोनू निगम, अनुराधा पौडवाल आणि दिग्दर्शक सुभाष घई यांच्यासह ‘शताब्दी विशेष: आसमान से आया फरिश्ता मोहम्मद रफी - गायकीचा राजा’ या विषयावर उपस्थितांनी चर्चासत्रात भाग घेऊन रफींच्या आठवणींना उजाळा दिला.

प्रसिद्ध अभिनेत्री शर्मिला टागोर यादेखील यावेळी सभागृहात उपस्थित होत्या. त्यांनाही लगेच प्रेक्षकांतून व्यासपीठावर बोलाविले. चर्चासत्रातील प्रत्येकाने आपले अनुभव आणि रफी यांच्याविषयीच्या भावना व्यक्त केल्या.

गोवा

इफ्फीत भावूक क्षण

या कार्यक्रमात अनुराधा पौडवाल, सोनू निगम यांनी मोहम्मद रफी यांनी गायलेली गाणी सादर सादर करून संगीत मैफलीत ‘चार चांद’ लावले. सोनू निगम यांनी गायिलेली ''दर्दे दिल दर्दे जिगर'', ''आसमान से आया फरिश्ता'' आणि ''आवाज दे के'' या गाण्यांनी रसिकांना भावूक केले. कार्यक्रमाचा समारोप ''सौ साल पहले'' या गाण्याने केला.