Canacona Murder Case: दक्षिण गोव्यातील काब-दी-राम येथे पत्नीचा खून केल्या प्रकरणी गौरव कटियार याला अटक कुंकळ्ळी पोलिसांनी केली. गौरवला न्यायालयासमोर उभे केले असता त्याला पाच दिवसांची पोलीस कोठडी सुनावली आहे.

मूळचा लखनऊ येथील असणारा संशयित गौरव एका नामांकीत हॉटेलमध्ये मॅनेजर आहे. शुक्रवारी (दि.19) दुपारी त्याने पत्नीचा समुद्रकिनारी खून केल्याचे उघडकीस आले आहे.

संशयित गौरवने दुपारच्या सुमारास 27 वर्षीय पत्नी दीक्षा गंगवार हिचा खून केला. पोलिसांनी गौरवची चौकशी केली असता ती आईस्क्रीम खरेदी करण्यासाठी गेली असता अपघाताने पाण्यात बुडाली, असे सांगितले.

दरम्यान, सखोल चौकशीअंती गौरवने पत्नीचा खून केल्याचे समोर आले आहे. पोलिसांना संशय येऊ नये म्हणून त्याने अपघाताचा बनाव केला, असे तपासातून समोर आले. घटनेचा एका स्थानिकाने चित्रित केलेला व्हिडिओ देखील समोर आला आहे.

का केला पत्नीचा खून

अटक पती गौरवचे विवाह बाह्य संबंध असल्याचे तपासातून समोर आले आहे. गेल्या काही महिन्यांपासून त्यांच्या नात्यात दुरावा निर्माण झाला होता. यातूनच त्याने पत्नीचा खून करण्याचा कट रचल्याचे प्राथमिक तपासात दिसून आले आहे.