Bhopal MP, Divorce Case: भोपाळ, मध्य प्रदेश येथून एक विचित्र प्रकरण समोर आले आहे. लग्नानंतर हनिमूनला गोव्याला जाऊ असे वचन देऊन अयोध्या आणि वाराणसीला घेऊन गेला म्हणून महिलेने घटस्फोटासाठी कौटुंबिक न्यायालयात धाव घेतली.

केवळ पाच महिन्यांपूर्वीच या जोडप्याचे लग्न झाले होते अशी माहिती समोर आली आहे.

अयोध्या आणि वाराणसी येथून परतल्यानंतर दहा दिवसांनी शुक्रवारी कौटुंबिक न्यायालयात या प्रकरणाची नोंद करण्यात आली.

पिपलानी, भोपाळ येथे राहणार्‍या या जोडप्याचे ऑगस्ट 2023 मध्ये लग्न झाले होते. महिलेचा पती आयटी क्षेत्रात कामाला असून, त्याला चांगला पगार आहे. त्यामुळे हनिमूनसाठी परदेशात जाणे त्याच्यासाठी फार मोठी गोष्ट नव्हती. पण, पतीने हनीमूनसाठी परदेशात जाण्यास पतीने नकार दिला.

पालकांची काळजी घ्यावी लागेल म्हणून त्याने भारतातीलच ठिकाणीला भेट देऊ, असे सांगितले. महिलेने होकार दिला दक्षिण भारत व गोवा येथे हनीमूनसाठी जाण्याचे निश्चित करण्यात आले.

पण, पतीच्या आईला राम मंदिरात प्राण प्रतिष्ठा होणार असल्याने अयोध्या व वाराणसी येथे जायचे होते. त्यामुळे त्याने अयोध्या व वाराणसीचे विमान तिकीट बुक केले. महिलेला एक दिवस आधी पतीने याबाबत माहिती दिली.

महिलेने तक्रार केली नाही पण, अयोध्येतून परतल्यानंतर 10 दिवसांनी घटस्फोट घेण्यासाठी तिने कौटुंबिक न्यायालयात धाव घेतली.

नवरा बायकोपेक्षा त्याच्या कुटुंबातील सदस्यांची जास्त काळजी घेत असे, महिलेने सांगितले. तर, पत्नी या मुद्द्यावरून मोठा गोंधळ निर्माण करत असल्याचे पतीने कौटुंबिक न्यायालयात समुपदेशकांना सांगितले.

दरम्यान, जोडप्याचे सध्या समुपदेशन केले जात असल्याची माहिती समोर आली आहे.