Navelim Crime News: नावेलीमध्ये भाड्याच्या घरात राहणाऱ्या एका युवकाने कौटुंबिक जाचाला कंटाळून गळफास घेत आपले जीवन संपवले असल्याची धक्कादायक माहिती समोर आली आहे. सोनूकुमार साहनी (33) हा मूळचा बिहारचा असून काही कालावधीपासून कामानिमित्त तो आणि त्याची पत्नी नावेलीमध्ये राहत होते.

मिळालेल्या माहितीनुसार, सोनूकुमार आणि त्याच्या पत्नीमध्ये सतत वाद व्हायचे. पत्नीच्या जाचाला कंटाळून त्याने गळफास लावला असल्याचे म्हटले जात आहे.

आत्महत्येची माहिती मिळाल्यानंतर मडगाव पोलिसांनी घटनास्थळी धाव घेत मृतदेह ताब्यात घेतला असून तो मडगावातील सरकारी शवागृहात ठेवण्यात आला आहे.

कौटुंबिक वादामुळे पीडित मानसिक तणावाखाली असल्याचे सांगण्यात येत आहे. दरम्यान, पोलिसांनी या घटनेची अनैसर्गिक मृत्यू म्हणून नोंद केली असून अधिक तपास सुरू आहे.