काणकोण: पाळोळे व अन्य किनाऱ्याला वादळी वाऱ्याचा सोमवारी रात्री फटका बसला. सोसाट्याचे वारे जमिनीवरून समुद्राकडे वाहत असल्याने किनाऱ्या लगत असलेल्या पर्यटक कुटिरांतील व‌ रेेस्टॉरंटातील प्लास्टिक खुर्च्या वाऱ्याच्या जोरदार झोताबरोबर समुद्रात जाऊन पडल्या.ओव्हरे पाळोळे येथे एका घरावर माड पडून घराची नुकसानी झाली तर पाळोळे मध्ये चार- पांच माडांची पडझड वीज तारांवर झाली त्यामुळे या भागातील

वीज प्रवाह रात्रीपासून खंडीत झाला आहे.या वादळी वाऱ्यामुळे मडगाव- कारवार हमरस्त्यावर करमलघाटात वृक्ष उन्मळून पडल्याने वाहतूकीला अडथळा निर्माण झाला.काल रात्री पासूनच अग्नीशामक केंद्राचे कर्मचारी पडझड झालेले वृक्ष व माड हटविण्याच्या कामात व्यस्त आहेत.