फोंडा: बांदोडा पंचायत क्षेत्रातील गावणे भागातील रानात मानवी सांगाडा सापडल्याने खळबळ उडाली आहे. सोमवारी (10 फेब्रुवारी) सकाळी हा मानवी सांगाडा स्थानिकांच्या नजरेस पडल्यानंतर लगेच पोलिसांना माहिती देण्यात आली.

हा सांगाडा साधारण तीन ते चार महिन्यांचा असून पुरुषाचा आहे. सांगाड्याजवळ सापडलेल्या कपड्यांवरून ते स्पष्ट झाले आहे. रानात या व्यक्तीने आत्महत्या केली की कुणी घातपात केला याबद्दल उलटसुलट चर्चा करण्यात येत आहे. दरम्यान, तीन महिन्यापूर्वी येथीलच एक व्यक्ती बेपत्ता झाली होती, कदाचित हा सांगाडा त्याचाच आहे का यासंबंधी तपास सुरू आहे.