पणजी : बांबोळी येथील कुजिरा शिक्षण संकुलात आज शाळेच्या पहिल्याच दिवशी प्रचंड वाहतूक कोंडी झाल्याने पालक आणि विद्यार्थ्यांची गैरसोय झाली. नवीन वाहतूक व्यवस्थापनामुळे गोंधळ निर्माण झाल्याने वाहतूक कोंडी झाल्यात. व्यवस्थापन करण्याअगोदर विश्‍वासात न घेतल्याने पालकांमध्ये तीव्र नाराजी आहे.
कुजिरा शिक्षण संकुलातील शाळांचे मुख्याध्यापक, शिक्ष संचालक आणि वाहतूक पोलिस निरीक्ष यांची बैठक झाली होती.त्यात नवीन वाहतूक करण्याची मागणी मुख्याध्यापकांनी केल्यानंतर ही मान्य करून ती आजपासून लागू करण्यात आली. परंतु, कोणतीही पूर्व कल्पना न देता ही लागू केल्याने एनवेळी पालकांची तारंबळ उडाली. त्यात रस्त्यावर वाहने पार्क केल्याने वाहतूक कोंडी होऊन वाहनांच्या रांगा लागल्या.
या वर्षी कोरोना परिस्थिती नियंत्रणात आल्यानंतर फेब्रुवारीमध्ये शाळा सुरू झाल्या होत्या.तेव्हा पालकांच्यासोबत बैठक घेऊन रिंग रोड व्यवस्था सुरू केली होती. यात दुसऱ्या गेटमधून प्रवेश करून स्टेडियमच्‍या बाजूला असलेल्या लेनमधून विद्यार्थ्यांना सोडून थेट सर्व्हिस रस्त्याहून बाहेर जाण्याची वाट होती. तर, शाळेंच्या बाजूची लेन रिक्त ठेवून विद्यार्थ्यांना चालून जाण्यासाठी ठेवली होती.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.