Arvind Kejriwal Goa Case

दिल्लीचे मुख्यमंत्री तथा 'आप'चे राष्ट्रीय संयोजक अरविंद केजरीवाल यांनी 2017 सालच्या विधानसभा निवडणुकीदरम्यान केलेल्या विधानाविरोधात निवडणूक-संबंधित लाचखोरीची तक्रार म्हापसा कोर्टाने फेटाळली.

मतदारांनी कोणत्याही पक्षाकडून पैसे स्वीकारण्याचे आवाहन करीत, मत झाडू चिन्हालाच द्यावे, असे आवाहन केजरीवाल यांनी जानेवारी 2017 मध्ये म्हापसा टॅक्सी स्टॅण्डवरील सभेत केले होते.

न्यायालयाने लाचखोरीच्या तक्रारीत केजरीवाल यांच्या विरोधात कारवाई करण्यासाठी पुरेसे कारण नसल्याचे सांगत ही तक्रार फेटाळली.

तत्कालीन निवडणूक अधिकारी गुरुदास देसाई यांनी 22 डिसेंबर 2017 रोजी आदर्श आचारसंहितेचे उल्लंघन केल्याप्रकरणी तक्रार दाखल केली होती. तसेच देसाई यांनी म्हापसा पोलिस स्थानकात याप्रकरणी तक्रार दिली होती.