Goa Ganesh Chaturthi 2023: गणेश चतुर्थीसाठी बाजारात गावठी फळांना मोठी मागणी असते.

गावठी काकडी, भेंडे, दोडगी, चिबूड, वाली, निरफणस अशी विविध फळे वाळपई बाजारात विक्रीसाठी उपलब्ध होऊ लागली आहेत.

वाळपईत रस्त्यालगत हळूहळू व्यावसायिकांनी दुकाने मांडण्यास प्रारंभ केला आहे. तसेच फटाक्‍यांची दुकानेही थाटली आहेत.

आकर्षक मखरे, विद्युत रोषणाईचे साहित्‍य विक्रीसाठी उपलब्ध झाले आहे.

सत्तरी तालुक्यात घरोघरी गावठी भाज्या, फळभाज्या करणारे लोक आहेत. काकडी, दोडगी आदी भाज्या तसेच फळांची खरेदी वाढू लागली आहे.

गावठी काकडी १०० रुपयांना आकारानुसार पाच ते सहा नग अशी विक्री करण्‍यात येत आहे.