Valpoi: गोवा मनुष्यबळ विकास महामंडळाने इयत्ता सहावी उत्तीर्ण या पात्रतेनुसार कर्मचारी (Staff) पदांसाठी अर्ज मागविले होते. 12 हजार 500 रुपये पगारावर 104 पदे भरण्‍यात येणार होती. त्या पदांच्या उत्तीर्ण उमेदवारांच्या मुलाखती (Interview) आयोजन सत्तरी तालुक्यातील कोपार्डे फार्मवर आज बुधवारी सकाळी 10.30 वा. केले होते.

या 104 पदांसाठी मोठ्या संख्येने उमेदवारांनी (Candidate) मुलाखतीसाठी उपस्थिती लावली होती. गोव्यात आजही मोठ्या प्रमाणावर बेरोजगारी (Unemployment) असल्याचे चित्र दिसून आले. सहावी उत्तीर्ण उमेदवारांकडून अर्ज मागविण्यात आले होते. कोपार्डे फार्मवर अलोट गर्दी उमेदवारांनी केली होती. प्रत्येकजण आपल्याला नोकरी (Job) मिळेल, या आशेवर एखाद्या सरकारी खात्यात, महामंडळात अर्ज करीत असतो. नोकरी मिळविण्यासाठी धडपड सुरू असते. आजचे हे विदारक चित्र पाहावयास मिळाले.