गेल्या अनेक दिवसांपासून पडत असलेल्या मुसळधार पावसामुळे होंडा भागात बऱ्याच घरांची पडझड झाली आहे, यामुळे नागरिकांना बराच फटका बसला असल्याने नुकसानीला सामोरे जावे लागले आहे.
भुईपाल कॉलनी येथील निर्मला सखाराम शिंदे या महिलेच्या घराचा काही भाग काल कोसळल्याने शिंदे कुटुंबीयांवर संकट कोसळले आहे, परंतु या घटनेची तात्काळ दखल घेत पर्ये मतदारसंघाच्या आमदार डॉ. दिव्या राणे यांनी हे घर तातडीने दुरुस्ती करण्याची जबाबदारी घेतली आहे.
या भागात राहणाऱ्या निर्मला सखाराम शिंदे या फुल विक्रीचा व्यवसाय करून आपल्या संसाराचा गाडा हाकत आहेत. त्यांची आर्थिक स्थिती बेताचीच असल्याने त्या मातीच्या भिंतीच्या घरात रहात होत्या. सध्या पडणाऱ्या मुसळधार पावसाच्या तडाख्याने या घराच्या मातीच्या भिंतींना तडे जाऊन काही भाग कोसळला आहे.
या घटनेची माहिती होंडा तलाठी संतोष गावस यांना मिळताच त्यांनी घटनास्थळी धाव घेऊन या घराचा पंचनामा करून नैसर्गिक आपत्ती व्यवस्थापन अंतर्गत अहवाल तयार केला आहे. शिंदे कुटुंबाला सुमारे एक लाख चाळीस हजार रुपयांचे नुकसान झाले असल्याचा प्राथमिक अंदाज व्यक्त केला आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.