मडगावमध्ये निवृत्त होमगार्ड विमल शिरोडकर यांच्या घराची गेल्या काही दिवसांपासून सुरु असलेल्या पावसात पडझड झाली. याबाबतचा प्रश्न फातोर्डाचे आमदार विजय सरदेसाई यांनी सभागृहात उपस्थित केला.

यावेळी कामत यांनी महिलेला बांधकाम खाते घर बांधून देऊन, असे आश्वासन दिल्याची माहिती सरदेसाई यांनी दिली. याला दिगंबर कामत यांनी आक्षेप घेत, त्यांनी असे आश्वासन दिलेच नसल्याचे सभागृहात सांगितले.

पर्यावरण आणि आपत्तीविभागाबाबत सुरु असलेल्या प्रश्नोत्तराच्या तासात आमदार सरदेसाई यांनी फातोर्डात भिंत आणि छत कोसळून एका युवकाचा मृत्यू झाल्याचा उल्लेख केला. तसेच, मडगावात निवृत्त होमगार्ड विमल शिरोडकर यांच्या घराची पडझड झाल्याची माहिती दिली.

दरम्यान, शिरोडकरांना बांधकाम खाते घर बांधून देईल, असे आश्वासन आमदार दिगंबर कामत यांनी दिल्याचा दावा सरदेसाईंनी सभागृहात केला.

या दाव्याला दिगंबर कामत यांनी आक्षेप घेतला आणि त्यांनी असे आश्वासन दिलेच नसल्याचे सभागृहात सांगितले. पण, सरदेसाईंनी याबाबत वृत्तपत्रात वाचल्याचे सांगत त्यांना स्वप्न न पडल्याचे म्हटले.

मुख्यमंत्री प्रमोद सावंत यांना याप्रकरणात मध्यस्थी करत घराची मोडतोड झाल्यानंतर त्यांनी विमल शिरोडकर यांना संपर्क साधल्याचे सांगितले तसेच, सोय होईपर्यंत दुसरीकडे व्यवस्था करण्याचा शब्द दिला. मात्र, महिलेने नाकारल्याचे सांवत म्हणाले.

मुख्यमंत्री सावंत यांनी यावेळी अटल आसरा योजना आणखी सुटसुटीत करणार असल्याचे सांगितले. पासाळ्यात ज्यांची घरे कोसळली आहेत त्यांना मदत दिली जाईल, असेही सावंत म्हणाले.

घरांना किंवा फ्लॅट्सना नैसर्गिक आपत्तीमुळे हानी झाली असेल त्यांना आपत्ती व्यवस्थापनाकडून दोन लाख रूपये मदत सरकार करेल अशी माहिती मुख्यमंत्र्यांनी सभागृहात दिली.