मोरजी समुद्रात एक व्यक्ती बुडाला असल्याची धक्कादायक घटना घडली आहे. बुडालेला व्यक्ती हॉटेल कर्मचारी असून पार्टीनंतर मद्यधुंद अवस्थेत तो समुद्रात गेल्याने हा प्रकार घडला असावा असा संशय पोलिसांनी व्यक्त केला आहे.

(hotel employee drowned in Morjim sea)

पोलिसांनी दिलेल्या माहितीनुसार मोरजी येथे समुद्रात कमल आर्या ( वय 32 ,मुळचा उत्तराखंड ) हा हॉटेल कर्मचारी बुडाला आहे. मयत आर्या हा आश्वे-पेडणे येथील एका क्लबमधील पार्टीमध्ये सहभागी झाला होता. त्यानंतर तो मद्यधुंद अवस्थेत समुद्रात गेल्याने बुडाल्याचा संशय पोलिसांनी व्यक्त केला आहे. मात्र शवविच्छेदन अहवाल मिळाल्यानंतरच याबाबत अधिक स्पष्टता येईल असे ही पोलिसांनी म्हटले आहे.

याबाबत स्थानिकांनी माहिती देताना म्हटले की, रात्री कमल आर्या पेडणे येथे गाडीवरुन प्रवास करत असताना निदर्शनास आला होता. मात्र त्यावेळी पार्टीसाठी गेला की आणखी काही कारणास्तव फिरत होता हे समजू शकले नाही.