Bike And Car Accident At Curchorem: भर पावसात कुडचडे येथून हिट अँड रनची घटना समोर आली आहे. काकोडा येथे भरधाव कार आणि दुचाकीचा अपघात झाला. कारने दुचाकीला जोराची धडक दिली आणि घटनास्थळावरून पळ काढला. दरम्यान, वेळीच दुचाकी चालकाने बाईकवरून उडी मारल्याने त्याचा जीव वाचला आहे. दुपारी दोन वाजता ही घटना घडली.

मिळालेल्या माहितीनुसार, काकोडा कुरचडे येथे भरधाव मारूती कारने एका दुचाकीस्वाराला धडक दिली. धडक देऊन कारचालक कारसह घटनास्थळावरून फरार झाला. यावेळी दुचाकी चालकाने प्रसंगावधान दाखवत उडी मारून स्वत:चा जीव वाचवला.

धडक दिल्यानंतर कार चालक त्याच वेगात निघून गेला, या अपघातात दुचाकी चालकाच्या पायाला किरकोळ दुखापत झाली आहे. अशी दुचाकी चालकाने माहिती दिली आहे.

दरम्यान, कुडचडे पोलिसांनी घटनास्थळी दाखल होत घडलेल्या प्रकाराची माहिती घेत, पंचनामा केला आहे.