First IVF Baby Born In Goa

बांबोळी: गोव्याच्या सरकारी आरोग्य क्षेत्रात मोठे यश मिळवले आहे. आयव्हीएफ या आधुनिक तंत्राच्या वापरातून पहिल्या वहिल्या बाळाने गोवा वैद्यकीय महाविद्यालयाच्या रुग्णालयात जन्म घेतला आहे. या घटनेचा उल्लेख राज्याचे आरोग्यमंत्री विश्वजीत राणे यांनी ऐतिहासिक असा केला आहे.

आरोग्यमंत्री विश्वजीत राणे यांनी या घटनेची माहिती एक्सवरुन दिली आहे. गोमेकॉत पहिले वहिले आयव्हिएफ बाळ जन्माला आले आहे. गोमेकॉने मैलाचा दगड पार केलाय. सिझेरियन पद्धतीचा वापर करुन स्त्री जातीच्या बाळाला जन्म दिला, अशी माहिती राणे यांनी दिलीय. गोव्याने राज्यातील दाम्पत्यांसाठी मोफत आयव्हीएफ सुविधा सुरु केलीय.

'गोव्यातील प्रत्येक कुटुंबाला आधुनिक आरोग्य सुविधा देण्याचे आमचे वचन आहे. राज्यातील दाम्पत्यांना मोफत आयव्हिएफ सुविधा दिली जाते', अशी माहिती आरोग्यमंत्री विश्वजीत राणे यांनी यावेळी दिली.