Goa News : गेल्या काही दिवसांपासून पणजीतील मेरशी सर्कलजवळ वाहतुकीची कोंडी होत आहे. पर्यटक वाहनांची संख्याही वाढली आहे. त्यामुळे बाणस्तारी पुलावरून मेरशी सर्कलकडे येणारी अवजड वाहतुकीला 5 जानेवारीपर्यंत दुपारी १२ ते रात्री ९ या वेळेत मेरशी सर्कलपर्यंत येण्यास बंदी घालण्यात आली आहे. जर या वेळेत अवजड वाहने आली तर त्यांना तेथेच रस्त्याच्या कडेला रांगेत उभे केले जाणार आहे. त्यासंदर्भातील आदेश उत्तर गोवा जिल्हाधिकारी मामू हागे यांनी आज जारी केला आहे.

मेरशी सर्कल येथे वाहनांची वर्दळ अनेक पटींनी वाढली होती आणि अटल सेतूचा फोंडा बाजूचा भागही बंद केल्याने विनाकारण वाहतूक कोंडी होत होती. नवीन वर्षाच्या पार्श्वभूमीवर गोव्यात मोठ्या प्रमाणात पर्यटक येतात. यावेळी वाहनचालकांना वाहतूककोंडीचा त्रास होऊ नये यासाठी ही उपाययोजना करण्यात आली आहे.