गोवा: राज्यात गेल्या काही दिवसांपासुन मान्सुन सक्रिय झाला आहे. गोवा हवामान खात्याने वर्तवलेल्या अंदाजानुसार आज पुढील 3-4 तासांत उत्तर गोवा आणि दक्षिण गोवा जिल्ह्यांत काही ठिकाणी हलक्या ते मध्यम स्वरूपाच्या पावसाची शक्यता वर्तवण्यात आली आहे. राज्यात विजांच्या कडकडाटासह; सुमारे 40 किमी प्रतितास वेगाने वाहणाऱ्या वाऱ्यांसोबत पावसाच्या सरी पडण्याची शक्यता आहे.

(Heavy rains in the next 3-4 hours in state; Goa IMD forecast)

संगे, केपे या तालुक्यांवर पावसाचे ढग आले आहेत. तर तिसवाडी, मुरगाव, सासष्टी आदी तालुक्यांकडेही पावसाचे ढग येत आहेत.

गोव्यातील (Goa) पावसाबाबत यलो अलर्ट

रविवारी गोव्यातील अनेक भागांमध्ये पाऊस झाला. सोमवारीही येथे पावसाचे पावसाचे वातावरण दिसुन आले होते. सोमवारीही राज्याच्या अनेक भागात मुसळधार पाऊस पडू शकतो असे हवामान खात्याने वर्तवले होते. IMD ने काही भागांबाबत यलो अलर्ट जारी केला आहे. अहवालानुसार, गोव्यात आज 64.4 मिमी ते 115.5 मिमी पाऊस पडण्याची शक्यता आहे. शनिवारी येथे 116.2 मिमी पाऊस झाला आहे.