गोव्यात 12 सप्टेंबरपर्यंत मुसळधार पावसाची शक्यता गोवा (Heavy Rain In Goa) हवामान खात्याने वर्तवली आहे. 09 आणि 10 सप्टेंबर रोजी पावसात वाढ होण्याची अंदाज वर्तविण्यात आला असून, हवामान खात्याने राज्यात ऑरेंज अलर्ट (Orange Alert In Goa) जारी केला आहे.

अनेक दिवसांची उसंत घेतल्यानंतर बुधवारी (दि.07) सायंकाळी गोव्यात पावसाने दमदार हजेरी लावली. साठ मिनिटाहून अधिक काळ पडलेल्या पावसाने ठिकठिकाणी पाणी साचले होते. कालांतराने पावसाचा जोर कमी आला. अचानक आलेल्या पावसामुळे नागरिकांची तारांबळ उडाली. तसेच, हवेत गारवा निर्माण झाला होता.

हवामान खात्याने उत्तर आणि दक्षिण गोव्यात 09 ते 12 सप्टेंबरपर्यंत मध्यम ते मुसळधार पावसाची शक्यता असल्याचे म्हटले आहे. मच्छीमारांना या दिवसांत समुद्रात न जाण्याचा इशारा देण्यात आला आहे.