सतत कोसळत असलेल्या पावसामुळे खारेबांद येथील एका परिसरात घर कोसळून पेट्रोसियाना परेरा (९२) ही महिला जखमी झाली. ही महिला एकटीच घरात राहत होती. ही घटना आज पहाटे ५.३० वाजण्याच्या दरम्यान घडली होती.

या विषयी माहिती मिळाल्यानंतर स्थानिक नगरसेवक महेश आमोणकर यांनी घटनास्थळी तातडीने धाव घेतली आणि त्या महिलेला दक्षिण गोवा जिल्हा इस्पितळामध्ये दाखल केले. यानंतर स्थानिक आमदार दिगंबर कामत यांनी सकाळी १०.३० वाजता सर्व अधिकाऱ्यांच्या समवेत या ठिकाणी भेट देऊन या महिलेला सर्वतोपरी सहकार्य करण्याचे आश्वासन दिले.