Fog in Goa: गोव्यात सर्वत्र दाट धुक्याची चादर पसरल्याने वाहतूक मंदावली आहे. गेल्या आठवड्याभरापासून गोव्यात कडाक्याची थंडी पडत आहे. यासोबतच गेल्या काही दिवसांत धुकंही पडण्याचं प्रमाण वाढलं आहे. मात्र आज सोमवारी सकाळी गोव्यात प्रचंड धुकं पसरल्याने दृश्यमानता कमी झाली होती. साहजिकच सर्व मार्गांवरील वाहतूक धिम्या गतीने सुरु होती.

गील 3-4 दिवसांपासून गोव्यातील तापमान 20 अंश च्या खाली आले असून सोमवारी सकाळी गोव्यात दाट धुके पसरले होते. या दाट धुक्याचा सामना सोमवारी सकाळी कामावर निघालेल्या नोकरदार वर्गाला करावा लागला.

चोडण- रायबंदर येथील फेरीबोट सेवेला धुक्याचा फटका बसला. धुक्यामुळे फेरी सेवा काही प्रमाणात विस्कळीत झाली होती. वेळेवर फेरी न सुटल्याने फेरी पॉईंटजवळ (धक्क्यावर) काहीकाळ वाहतूक कोंडी पाहायला मिळाली. फेरी प्रमाणेच रस्ते वाहतुकसुद्धा धीम्यागतीने सुरु होती.

सोमवारी पहाटे गोव्यातील अनेक भागांमध्ये दाट धुके अनुभवायला मिळाले. या धुक्याचा सामना सकाळी कामावर निघणाऱ्या लोकांना करावा लागला. या बदलत्या वातावरणाचा लोकांच्या आरोग्यावर परिणाम होत आहे.