वास्को: ‘केडीआर बॉयस् ऑफ आरपोरा’ने कै. वासुदेव रेडकर यांच्या स्मरणार्थ आयोजित तिस-या अखिल गोवा अभंग गायन स्पर्धेचा निकाल सोमवारी (4 एप्रिल) जाहीर करण्यात आला. त्यामध्ये महिला गटात वाळपई येथील हर्षा गणपुले हिने प्रथम क्रमांकाचे पाच हजार रुपयांचे पारितोषिक, चषक व प्रशस्तीपत्र पटकावले. पुरुष गटात पाच हजार रुपयांचे बक्षीस कुंकळी येथील ओंकार च्यारी यांनी पटकावले. तर पंधरा वर्षाखालील मुलांमुलींच्या स्पर्धेत गार्गी सिद्धये हिने पहिले बक्षीस पटकावले.

महिला गटात स्पर्धेचे दुसरे बक्षीस दिशा कुर्टीकर भोम हिला प्राप्त झाले तर तिसरे हेडलॅन्ड सडा वास्को येथील सेजल सगुण नाईक हिने प्राप्त केले. उत्तेजनार्थ हजार रुपयांची बक्षिसे अनुक्रमे रुपाली खोत, नुतन रेवोडकर व चैताली परब यांना देण्यात आली.

पुरुष गटात दुसरे बक्षीस सुरज शेटगांवकर यानी मिळवले, तिसरे वास्को येथील नवाब शेख यांना प्राप्त झाले, तर उत्तेजनार्थ प्रत्येकी एक हजार रुपयांची बक्षिसे अनुक्रमे यशवंत नाईक, ज्ञानेश्वर गांवस वाळपई व विवेक नाईक गावणे फोंडा यांनी मिळवली.

लहान गटात म्हणजे पंधरा वर्षाखालील मुलांमुलींच्या स्पर्धेत दुसरे बक्षीस मनस्वी विशाल खोत हिने पटकावले तर तिसरे बक्षीस प्रभाकर उर्फ वेद वेर्लेकर याला प्राप्त झाले. उत्तेजनार्थ अनुक्रमे उर्वशी उल्हास नाईक, खुष पेडणेकर व मुद्रा सरोज दिवकर यांना मिळाली.

स्पर्धेचे परीक्षण संगीत शिक्षक राया कोरगांवकर व गायक कलाकार सुमेधा देसाई यांनी केले. सूत्रसंचालन संतोष मोरुडकर यांनी केले. बक्षीस वितरणप्रसंगी व्यासपीठावर स्पर्धा आयोजक रोशन रेडकर, सरपंच श्रीकृष्णा नागवेकर, पंच राजेश मोरजकर, उपसरपंच वायोलेंटा डिसोझा, सलीम सय्यद, माजी सरपंच आगुस्तिन डिसोझा, सुषमा नागवेकर, जयदीप गाड, सुनिल रेडकर तसेच प्रशांत रेडकर, विश्वास प्रभू व इतर सर्व सभासद उपस्थित होते.