Panjim Casino: गुजरातमधील व्यक्तीने पणजीतील एक कॅसिनोला दहा लाख रुपयांचा गंडा घातल्याचे उघडकीस आले आहे.

संशयित व्यक्तीने तो उपजिल्हाधिकारी असल्याचे भासवून फसवणूक केल्याचे समोर आलंय. या व्यक्तीविरोधात पणजीतील पोलीस ठाण्यात फसवणुकीचा गुन्हा दाखल करण्यात आला आहे.

गोपाल पटेल (रा. गुजरात) असे गुन्हा दाखल झालेल्या संशयित व्यक्तीचे नाव आहे.

मिळालेल्या माहितीनुसार, संशयित गोपालने तो उपजिल्हाधिकारी असल्याचे भासवून बिग डॅडी कॅसिनोतून 10 लाखांचे गेम्ब्लिंग चिप्स घेतले, चिप्स परत न देता संशयित गोपलने कॅसिनोची फसवणूक केली, असे दाखल तक्रारीत म्हटले आहे.

यापूर्वीही कॅसिनोत फसवणुकीचा प्रकार आला होता समोर

काही दिवसांपूर्वी कर्मचाऱ्याने खोटा गेम रिपोर्ट सादर करुन गेस्टला 1.70 लाखांचा बोनस मिळवून दिल्याचा प्रकार 'बिग डॅडी' कॅसिनोत घडला होता.

याप्रकरणी कॅसिनो कर्मचारी दीपक दास (रा. मुंबई) याच्या विरोधात गुन्हा दाखल करुन त्याला अटक करण्यात आली होती.

तसेच, डिसेंबरमध्ये निओ मॅजेस्टिक कॅसिनोमधून 13 लाख रूपयांच्या चिप्स चोरी केल्याची घटना उघडकीस आली होती. याप्रकरणी सुनील कुमार आणि के. डी. ठकराल या दोघांना अटक करण्यात आली होती.