पणजी: गोवा पर्यटन विकास महामंडळाने (GTDC) मांद्रे येथील मनोरंजन आणि अॅनिमेशन गावासाठी मास्टर प्लॅन तयार करण्यास सुरुवात केली आहे, यामध्ये संपूर्ण परिसराचा अभ्यासही सुरू केला आहे. हा प्रकल्प काही महिन्यांपूर्वी प्रस्तावित केला होता.

हा प्रकल्प अद्याप प्राथमिक अवस्थेत असल्याने, जमिनीची नेमकी आवश्यकता निश्चित करण्यासाठी आवश्यक असलेल्या इतर बाबींवर निर्णय घेतला जाईल, असे येथील प्रकल्प (Project) अधिकाऱ्याने सांगितले.

हा प्रकल्प सार्वजनिक-खाजगी (Public-private) भागीदारी मॉडेलवर विकसित केला जाण्याची शक्यता आहे, ज्याचे अनुसरण काही इतर प्रकल्पांसाठी केले गेले आहे ज्यासाठी गुंतवणूक आवश्यक आहे, असेही प्रकल्प अधिकाऱ्याने सांगितले.

मांद्रे येथील किनारी गावांना चालना देण्याबरोबरच, पर्यटन मंत्रालयाला (Ministry of Tourism) असे वाटते आहे की हा प्रकल्प परदेशी आणि उच्च श्रेणीतील पर्यटकांना आकर्षित करेल. पर्यटनामुळे येथे रोजगाराचे साधन निर्माण होईल. तसेच गोव्याच्या बेरोजगारांना राज्यातच काम करण्याची संधी मिळेल. तथापि, या प्रकल्पाचा मुख्य उद्देश पर्यटनाला आकर्षित करणे हा आहे.

काही तरुण पर्यटनाकडे वळले असले तरी मांद्रे येथील लोकांना नोकरीच्या संधींसाठी बाहेर पहावे लागते. अजून ही पाहिजे तसा विकास दिसत नाही. पाच वर्षांपूर्वी सुरू झालेल्या इलेक्ट्रॉनिक सिटी (Electronic City) प्रकल्पाचे काम प्रगतीपथावर संथ गतीने आहे असे एका स्थानिकाने सांगितले.

गेल्या काही वर्षांमध्ये मांद्रे या गावाने पाहिलेला एकमेव विकास, ते म्हणाले, जमिनीच्या किंमतीत झालेली वाढ स्थानिकांना एकतर त्यांच्या वडिलोपार्जित जमिनी विकण्यास किंवा पर्यटकांच्या सोयीसाठी गेस्टहाउस (Guesthouse) आणि छोटी हॉटेल्स बांधण्यास प्रवृत्त केले गेली.

ग्रीनफिल्ड आंतरराष्ट्रीय विमानतळ (International Airport) कार्यान्वित झाल्यानंतर, पेरनेम तालुक्यातील विकासाला वेग येईल, असे स्थानिकांनी सांगितले.

या भागात बरीच मंदिरे आहेत, संपूर्ण गाव हिरवेगार आहे आणि पर्यटकांसाठी येथे सुविधा विकसित केल्या गेल्या आहेत.