Cortalim Panchayat Gramsabha

कुठ्ठाळी: कुठ्ठाळी पंचायतीच्या ग्रामसभेत कुठ्ठाळीत येणाऱ्या मेगा प्रकल्पांना मान्यता न देण्याचा ठराव आज झालेल्या ग्रामसभेत मंजूर करण्यात आला. कुठ्ठाळी पंचायतीचा नव्यानेच ताबा घेतलेल्या सरपंच उज्ज्वला राजेश नाईक यांच्या अध्यक्षतेखाली ग्रामसभा झाली.

यावेळी माजी सरपंच सेनिया परेरा, पंचायत सचिव आशा मेस्ता, पंच आंजेला फुर्तादो, पंच एदुसियाना रॉड्रिग्ज, पंच मेल्विन वाझ, पंच मानुयल सिल्वा,पंच फ्रान्सिस पंच मायकल व इतर मान्यवर उपस्थित होते.

यावेळी सचिव आशा मेस्ता यांनी गत ग्रामसभेचा अहवाल सादर केला. यावेळी विविध विकास कामाबाबत चर्चा होऊन त्यावर सकारात्मक विचार करून अंमलात आणण्याचे ठरले. तसेच ग्रामविकास समिती द्वारा सादर केलेल्या विकास कामांच्या मान्यतेसाठी पंचायत संचालकांकडे पाठवले आहे.

कचरा विल्हेवाटीसाठी पंचायतीने जानेवारी ते ऑक्टोबरपर्यंत एकूण २६ लाख रुपये खर्च केले आहेत. रु.२७ लाख ९२ हजार ८६५ पंचायतीला विविध करापोटी येणे बाकी असून त्यावर आवश्यक ती कारवाई करण्यात यावी, अशी सूचना केली.