World Old Day: जगात दरवर्षी 01 ऑक्टोबर हा दिवस आंतरराष्ट्रीय वृद्ध व्यक्ती दिन म्हणून साजरा केला जातो. गोव्यात आज (16 ऑक्टोबर) राज भवन, दोना पावला येथे राज्यपाल पी. एस. श्रीधरन पिल्लई यांच्या उपस्थितीत आंतरराष्ट्रीय वृद्ध व्यक्ती दिन साजरा करण्यात आला. इंडियन मेडिकल असोशिएशन आणि गोवा सरकारच्या संयुक्त विद्यमाने या कार्यक्रमाचे आयोजन करण्यात आले होते.

यावेळी विविध समाज्यातील वृद्ध व्यक्ती राजभवन येथे उपस्थित होत्या. राज्यपालांच्या हस्ते वृद्धांना आरोग्य प्रमाणपत्राचे वाटप करण्यात आले. Care of old with heart of gold अशी या कार्यक्रमाची धीम ठेवण्यात आली होती.

कार्यक्रमानंतर उपस्थित सर्व वृद्ध लोकांसमवेत राज्यपाल पी. एस. श्रीधरन पिल्लई यांनी ग्रुप फोटो काढला. यावेळी सर्व वृद्ध नागरिकांच्या चेहऱ्यावर उत्साह ओसांडून वाहत होता.

आंतरराष्ट्रीय वृद्ध व्यक्ती दिनानिमित्त राज्यपाल पी. एस. श्रीधरन पिल्लई यांनी यावेळी उपस्थित वृद्धांना संबोधित केले. घरातील ज्येष्ठ तसेच वृद्ध नागरिकांची आपण काळजी घ्यायला हवी असे यावेळी राज्यपाल पिल्लई म्हणाले.