पणजी : राज्य सरकारने खाणी सुरू करण्याची वारंवार आश्‍वासने देत खाणग्रस्तांची फसवणूक केली आहे. खाणी बंद झाल्यानंतर खाणग्रस्तांसाठी आर्थिक साहाय्य पॅकेजही दिले नाही. खाण व्यवसायामुळे मोठ्या प्रमाणात शेतजमिनींचे नुकसान झाले त्याला राजकारणी जबाबदार आहेत. न्यायासाठी लढा देणाऱ्या ग्रामस्थांनाच मारहाण करणाऱ्या गुंडगिरी पोलिसांना सरकार पाठींशी घालत आहे असा आरोप करून या अधिकाऱ्यांविरुद्ध कारवाई करण्यात यावी अशी मागणी खाणग्रस्त ग्रामस्थ, शेतकरी व नागरिक संघटनेने केली.
आझाद मैदानावर घेतलेल्या पत्रकार परिषदेत बोलताना मये भू विमोचन नागरिक समितीचे अध्यक्ष सखाराम पेडणेकर म्हणाले, पिसुर्लेतील बेकायदा खाण व्यवसायाला तेथील उपजिल्हाधिकारी व पोलिस अधिकारी पाठिंबा देत आहेत. त्याविरुद्ध लढा देणाऱ्यांना अटक करून अमानुष मारहाण करण्यात आली आहे, याबद्दल सरकारचा निषेध करण्यात येत आहे.
गुन्हे मागे घ्या
या वाहतुकीला खाण खात्याचेच अधिकारी बेकायदा खनिज वाहतुकीला परवानगी देतात. या सरकारवर खाणग्रस्तांचा विश्‍वास राहिलेला नाही व सरकारलाही न्याय देण्याची इच्छा नाही, असेच दिसून येत आहे. ग्रामस्थांना मारहाण करून दाखल केलेले गुन्हे मागे घ्यावेत, अशी मागणी परब यांनी यावेळी केली.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.