साखळी: आगामी काळात गोवा सरकार अनेक नवीन प्रकल्प हाती घेणार आहे. यामुळे राज्यातील युवकांसाठी रोजगाराच्या संधी उपलब्ध होणार आहेत, असे मुख्यमंत्री प्रमोद सावंत म्हणाले. सावंत यांनी रविवारी आयोजित करण्यात आलेल्या जनता दरबारात लोकांशी संवाद साधला. (Government aims to make 1 lakh youth in Goa self reliant)

दरम्यान, प्रमोद सावंत म्हणाले, गोव्याला स्वावलंबी बनवण्यासाठी राज्यातील 1 लाख तरुणांना स्वावलंबी बनवायचे ध्येय सरकार समोर आहे. जनता दारबारादरम्यान अनेक नागरिकांनी सावंत यांच्याकडे रोजगार, योजना व इतर समस्यांबाबत प्रश्न विचारले. मुख्यमंत्री दोन दिवस दिल्लीत होते. ते शनिवारी रात्री गोव्यात परतले.

फक्त गरजूंना 3 LPG सिलिंडर मोफत मिळणार
भारतीय जनता पक्षाच्या (भाजप) माजी महिला मोर्चाच्या प्रदेशाध्यक्षा सुलक्षणा सावंत यांनी शनिवारी सांगितले की, ज्यांना खरोखरच गरज आहे अशा कुटुंबांना तीन मोफत एलपीजी सिलिंडर देण्याचा निर्णय गोवा सरकारने घेतला आहे.