Goa GST Collection April 2023: गोव्यात मासिक जीएसटी संकलनात 32 टक्के वाढ झाली आहे. स्वयंपूर्ण गोवा कार्यक्रम, EoDB गोव्याला आर्थिक विकासाच्या मार्गावर आणत आहे. अधिक आर्थिक संधी प्रदान करत आहे अशी माहिती मुख्यंमंत्री डॉ. प्रमोद सावंत यांनी ट्विटरद्वारे दिली आहे.

एप्रिल महिन्यातील जीएसटी करवसुलीचे आजवरचे सर्व विक्रम मोडत, नवा उच्चांक गाठला आहे. एप्रिलमध्ये तब्बल 1 लाख 87 हजार कोटी रुपयांचा महसूल जीएसटीच्या माध्यमातून जमा करण्यात आला आहे. याबाबतची माहिती पीआयबीने आज प्रसिद्धीपत्रकाद्वारे जाहीर केली.

मुख्यंमंत्री डॉ. सावंत म्हणाले, "गोव्यात मासिक जीएसटी संकलनात 32 टक्के वाढ झाली आहे. स्वयंपूर्ण गोवा कार्यक्रम, EoDB गोव्याला आर्थिक विकासाच्या मार्गावर आणत आहे, अधिक आर्थिक संधी प्रदान करत आहे.

कमी दर असूनही जीएसटीतून वाढणारा महसूल हा सुधारित कर अनुपालन, राज्य तसेच राष्ट्रीय स्तरावरील अर्थव्यवस्थेचे एकत्रीकरण दर्शवते असे मुख्यमंत्र्यांनी सांगितले.

एप्रिल 2023 मध्ये 1 लाख 87 हजार कोटी रुपयांचं जीएसटी संकलन झालं आहे. जीएसटीचं एप्रिल 2022 मध्ये 1 लाख 68 रुपयांचं संकलन झालं. एप्रिल 2022 च्या तुलनेत एप्रिल 2023 मध्ये 19 हजार 495 कोटी रुपयांचं संकलन जास्त झालं आहे.