आठ वर्षांपूर्वी स्त्रीप्रतिष्ठेची गुढी उभारून तनिष्का व्यासपीठाची सुरुवात झाली आहे. या व्यासपीठाच्या माध्यमातून संघटित स्त्रीशक्तीने महाराष्ट्रात विविध स्वरूपाची मोठी कामे उभी केली आहे. या उस्फुर्त प्रतिसादानंतर यापूढे जात गोव्यातील महिलांसाठी  गोमंतकच्या  माध्यमातून 'तनिष्का व्यासपीठ'ची मुहूर्तमेढ रोवली जात आहे.

'तनिष्काची मुहूर्तमेढ रोवणार हा कार्यक्रम आज 24 जुलै रोजी वाळपई येथे होत आहे. या कार्यक्रमाचे उद्घाटन सकाळ माध्यम समूहाचे व्यवस्थापकीय संचालकअभिजीत पवार यांच्या हस्ते होणार असून या कार्यक्रमास प्रसिद्ध अभिनेत्री श्रुती मराठे आणि अभिनेता गौरव घाटणेकर हे प्रमुख पाहुणे उपस्थित राहणार आहेत.

या कार्यक्रमास आज सकाळी वाळपईत आयोजित केला आहे. यात महिलांसाठी 'धालो आणि फुगडी' स्पर्धेचे ही आयोजन केले आहे. या स्पर्धेच्या अंतिम फेरीत निवड होणाऱ्या महिलांवर बक्षिसांची खैरात होणार आहे. हे बक्षीस वितरण प्रसिद्ध अभिनेत्री श्रुती मराठे आणि अभिनेता गौरव घाटणेकर यांच्या हस्ते होणार आहे. कार्यक्रमासाठी महिलांचा उत्स्फुर्त प्रतिसाद मिळत असून लहान मुलींपासून ते वयस्कर महिलापर्यंतच्या महिला या कार्यक्रमात सहभागी झाल्य़ा आहेत.