गोव्यात वाढत्या शहरीकरणामुळे सध्या चोरी-हत्या-अपघातांचे प्रमाण वाढतच चालले आहे. गोवा पोलीस तातडीने घटनास्थळी पोहोचून गुन्हेगारांचा शोध घेणे करत आहेत. नुकतेच पोंबुर्पा- आढळ येथे चेन स्नॅचिंग प्रकरण घडले असून चोरट्याने दुचाकीवरून येत सोन्याची चेन हिसकावून घटनास्थळावरून पळ काढलाय.

यासंबंधी प्राथमिक माहिती अशी कि, तक्रारदार दुचाकीवरून जात असताना अज्ञात व्यक्तीने त्याची 20-25 ग्रॅम वजनाची सोन्याची चेन हिसकावून घटनास्थळावरून पळ काढला. सदर चोरटा हा भाड्याची दुचाकी घेऊन घटनास्थळी आला होता. आरोपीने चोरी करण्यासाठी जी दुचाकी वापरली त्याला नोंदणी प्लेट नसलेल्याचे पोलिसांकडून समजले आहे.

सोनसाखळी चोरी करून आरोपीने पळ काढला. मात्र समोर रस्ता बंद असल्याचे लक्षात आल्यानंतर तो जंगलाच्या दिशेने पळाला. दरम्यान म्हापसा पोलीस घटनास्थळी पोहोचले असून तपास चालू आहे.

सविस्तर वृत्त थोड्याच वेळात