Goa's BPL population Declined: गोव्यातील दारिद्रयरेषेखालील लोकसंख्या कमी झाल्याची माहिती मुख्यमंत्री प्रमोद सावंत यांनी दिली आहे. राज्यातील 45,564 जण दारिद्रयरेषेतून बाहेर पडल्याचे सावंत यांनी सांगितले आहे. राष्ट्रीय मल्डिडायमेन्शनल पॉवर्टी इंडेक्स (Multidimensional Poverty Index (MPI)) निती आयोगाच्या अहवालाचा संदर्भ देत त्यांनी ही माहिती दिली आहे.

मागील काही वर्षात गोव्यातील दारिद्रयरेषेखालील लोकसंख्या कमी झाली असून, 45,564 जण दारिद्रयरेषेतून बाहेर पडले आहेत. आरोग्य, शिक्षण आणि राहणीमान या तीन निकषांवर मल्डिडायमेन्शनल पॉवर्टी इंडेक्सचा अहवाल तयार केला जातो. अशी माहिती सावंत यांनी ट्विटद्वारे दिली आहे.

2030 पर्यंत गरिबी पूर्णपणे हटवण्याचा उद्देश

गोव्यातील दारिद्रयरेषेखालील लोकसंख्या कमी झाली असली तरी गरिबी पूर्णपणे नष्ट झालेली नाही. 2030 पर्यंत गरिबी पूर्णपणे हटवण्याचा उद्देश आहे. त्यासाठी सर्वांनी एकत्र काम करुया असे मुख्यमंत्री सावंत यांनी म्हटले आहे.