मडगाव: हुंड्यासाठी महिलेचा शारीरिक आणि मानसिक झळ केल्याप्रकरणी पती आणि सासूविरोधात गुन्हा नोंद करण्यात आला आहे. मायणा - कुडतरी पोलिसांनी याप्रकरणी महिलेच्या तक्रारीनंतर गुन्हा नोंद केला आहे. २०२२ पासून सासरी छळ होत असल्याचे महिलेने तक्रारीत म्हटले आहे.

पीडित महिलेने पोलिसांना दिलेल्या तक्रारीनुसार, हुंड्यासाठी सासरी शारीरिक आणि मानसिक छळ केला जात असल्याची तक्रार नुवे येथील महिलेने दिली आहे. २०२२ पासून हा छळ सुरु असल्याचे तक्रारीत म्हटले आहे. याप्रकरणी पोलिसांनी पती चेतन मुठल आणि सासू रेखा यांच्या विरोधात गुन्हा नोंद करण्यात आला आहे.

संशयितांनी हुंड्यासाठी शारीरिक आणि मानसिक त्रास दिला तसेच, धमकी दिल्याचे महिलेने दिलेल्या तक्रारीत नमूद करण्यात आले आहे. पोलिसांनी या घटनेची गंभीर दखल घेतली असून, सखोल तपास केला जात आहे. पोलिस निरिक्षक अरुण गवस यांच्या मार्गदर्शनाखाली पोलिस उपनिरिक्षक सोनल गांवकर या प्रकरणाचा तापस करत आहेत.