Yuri Alemao: विरोधी पक्षनेते युरी आलेमाव यांनी मागील काही काळापासून विधवा भेदभावाची प्रथा थांबवण्यासंदर्भात मुद्दा उचलून धरत विधानसभा अधिवेशनात ठराव मांडला होता.

याच विषयाच्या अनुषंगाने आलेमाव यांनी एका लग्न सोहळ्याला ऐतिहासीक क्षण म्हणत एका ट्विट केले आहे. विधवा असलेल्या गोव्यातील उषा नाईक यांनी त्यांची मुलगी गौतमीचे लग्न डॉ. प्रथमेश डिचोलकर यांच्यासोबत लावले आहे. याच मुद्द्यावर आलेमाव यांनी ट्विट करत उषा नाईक यांचे कौतुक केले आहे.

''या अशा पद्धतीच्या लग्न सोहळ्याला पाठिंबा देणाऱ्या नाईक-डिचोलकर कुटुंबियांचे मी अभिनंदन करतो. या दोन्ही कुटुंबांनी जो निर्णय घेतला आहे तो राज्य सरकारसाठी नक्कीच प्रेरणादायी असून यामुळे विधवा भेदभावावर बंदी आणणारा कायदा आणण्यासाठी प्रेरणा मिळेल अशी मी आशा बाळगतो,'' असे विरोधी पक्षनेते युरी आलेमाव यांनी म्हटले आहे.

आलेमाव यांनी याच विषयाच्या अनुषंगाने 31 मार्च 2023 च्या आठव्या गोवा विधानसभेतील "विधवा भेदभावाची अन्यायकारक प्रथा आणि अंत्यसंस्काराच्या वेळी स्त्री-पुरुषांच्या प्रेतांची विकृती" या विषयावरील त्यांच्या खाजगी सदस्य ठरावाचाही संदर्भ ट्विटरवर दिला आहे.

आलेमाव म्हणाले, ''या दोन कुटुंबांनी घेतलेल्या विधवा महिलेला समान वागणूक देण्याच्या पुढाकाराचे मी स्वागत करतो. डॉ. गौतमी या मुलीने उचललेल्या पाऊलाने विधवा भेदभावावर बंदी कायदा आणण्यासाठी सरकारला नक्कीच प्रेरणा मिळेल.